လုပ်လိုက်ရင် ဒီအတိုင်းချည်းပဲ...

မနက်...။
ဒီကောင်မလေးလုပ်ပြန်ပြီ...။
ရုံးသွားဖို့ အချိန်ဒီလောက်ကပ်နေတာ ခုထိဆင်းမလာ။ စိတ်တိုတို နဲ့ ဟွန်းနှစ်ချက်လောက် ဆောင့်တီးပစ်လိုက်သည်။ မနက် ရုံးနောက်ကျရင် ပိုက်ဆံအဖြတ်ခံရမယ်ဆိုတာ သိလည်း မနက်တိုင်း ကားပေါ်ရောက်တာနဲ့ သံဗုဒ္ဓေ ရွတ်ပြီး ဒုက္ခပဲ ဒီလ နောက်ကျတာ နှစ်ခါရှိပြီ မှီပါ့မလား ဟု ပွစိပွစိ တယောက်တည်း ဆီမန်းမန်းတတ်တော့ မနေနိုင်တဲ့ ကိုယ်ကပဲ ပြိုင်ကားမောင်းသလို သေလုမျောပါး မောင်းပို့ရတာ ကြာတော့ စိတ်တိုလာသည်။ အမှတ်မရှိတဲ့ မိန်းကလေးပဲ လို့ ပစ်ပစ်နှစ်နှစ် တွေးလိုက်သည်။ တကယ်ဆို ညဘက် စောစောအိပ်ပါလား ။ တိုးတက်ရာတိုးတက်ကြောင်း စာကျတော့ မလုပ်ချင်..။ အရည်မရ အဖတ်မရ ကဗျာရေးလိုက် ၊ game ဆော့လိုက်၊ စာဖတ်လိုက်နဲ့ တော်တော်နဲ့ အိပ်ပုံမရ။ ဒင်းလုပ်တာနဲ့ ငါ accidentတို့ မော်တော်ပီကယ်တို့ နဲ့ ဘယ်တော့ ညားမလဲ ဟု တွေးတုန်း ဆင်းလာတာ မြင်သည်။

ဝတ်လာပြန်ပြီ...။
ဒီလို ဝမ်းဆက်ရိုးရိုးတွေချည်း ဝတ်လို့ ရုပ်ကိုက အဘွားကြီး ရုပ်ထွက်နေတာ။ ဝါးလုံးကို ပိတ်ဆင်တူပတ်ထားတဲ့ ပုံတုံးကြီး...မျက်မှန်ကပါသေး..စိတ်ပျက်စရာ။ ချွေတာတာကောင်းသော်လည်း အဝတ်အစား၊ ပိုက်ဆံအိတ်၊ ဖိနပ် ဘာမျှ style မရှိအောင် ကပ်စေးနှဲတာကျ သောက်မြင်ကပ်လှသည်။ discount ချတာတွေချည်း ဝယ်နေတာနေမှာပေါ့..။ ကြည့်ရင်းနဲ့ ဒါ ငါသီတင်းကျွတ်တုန်းက မေမေဖို့ ဆိုပြီး ဝယ်လာတဲ့ တရုပ်ဆင်ကို သူမကြိုက်တယ်ဆိုတာနဲ့ မေမေ့ ကို တခြားအဆင် ပြောင်းဝယ်ပေးပြီး သူမဖို့ အကျီ င်္စပါ ထပ်ဖြတ်ပြီး ဝယ်ပေးထားသော အဆင်ယဉ်ယဉ် တရုတ်စ ဆိုတာမှတ်မိသွားတော့ ဒေါသနဲနဲ ကျသွားသည်။

ကားပေါ်တက်လာပြီး မြန်မြန်ဝဝရ..နောက်ကျနေပြီ ဟု ပြောတော့ ဘုကြည့်ကြည့်လိုက်တော့ ရပ်သွားသည်။ ခဏနေတော့ ပါးစပ်က ငြိမ်ငြိမ်မနေ။ တတ်တာလည်း မဟုတ်ပဲနဲ့ ဟိုကားကြည့် ဟာ ဟိုမှာ လူ ..ဟယ် တိုက်တော့မှာပဲ ..စသဖြင့် အသံပေါင်းစုံ နဲ့ ထုံးစံအတိုင်း ဆရာလုပ်လာပြန်သည်။ စဉ်းစား ဆင်ခြင်ညဏ်ကို မရှိ ..ကားကို အေးအေးဆေးဆေးမောင်းလို့ရအောင် စောစောဆင်းဖို့ မကြိုးစားပဲ ခုမှ စိုးရိမ်သယောင် ဆရာလာလုပ်နေပါလား ဟု တွေးရင်း တခါတလေကို သူ့ကို သေချာတွက်ချက်ပြီး ဝင်ငွေထွက်ငွေ ချင့်ချိန်ဖို့ ပြောတတ်တာ သတိရတော့ အတွေး ရပ်သွားသည်။

ဘာဟင်းလဲ မေးတော့....”ပဲနီလေးဟင်းချို နဲ့ သက်သက်လွတ်ချဉ်ပေါင်ကြော်” ဆိုတော့ စိတ်တော်တော်ပျက်သွားသည်။ နေ့ခင်းကျ ငါ သူနဲ့ ထမင်းတူတူ မစားရအောင် ဘယ်လိုရှောင်ရပါ့ ဟု အကြံထုတ်ရသည်။ အားအားရှိ သက်သက်လွတ်ပဲ စားနေတာ စိတ်ပျက်စရာ ကောင်းလှသည်။ ဟင်းဆို မြိုင်မြိုင်ဆိုင်ဆိုင် ဆီပြန်ဟင်းတခွက်၊ အရည်သောက် တခွက်၊ ဟင်းရွက်ကြော်တခွက်ပါမှ စားတတ်သော သူ့အတွက် သူမရဲ့ ဖြစ်သလို သက်သက်လွတ်နေသော ဟင်းများက စိတ်ပျက်စရာဖြစ်တာ မဆန်းပါ။ သူမ သက်သက်လွတ်မစားတဲ့အခါ ကိုယ်ကြိုက်တတ်သော ငါးဘတ်မွှေတို့၊ ငါးခူစင်းကောတို့၊ ဝက်သားလုံးကြော်တို့၊ ကြက်ဟင်းခါးသီးကြော်တို့ စိတ်ရှည်လက်ရှည် ချက်ကျွေးတတ်သေးတာ သတိရလိုက်တော့..သူမနှင့် မနက်ထမင်းတူတူစားပြီး နောက်မှ နေ့ခင်းလက်ဖက်ရည်သောက်ချိန်မှ ကိုယ်ကြိုက်သော အသုတ်ဖြစ်ဖြစ်၊ ဆီချက်ဖြစ်ဖြစ်၊ ရှမ်းခေါက်ဆွဲဖြစ်ဖြစ် သွားစားတာပေါ့..ဟု ဖြေလိုက်သည်။

မီးပွိုင့်မိတော့ ...”အသားလှအောင် ဆေးလိပ်လျှော့သောက်ပါလား၊ နှုတ်ခမ်းတွေ မဲနေတာကလည်း ကြည့်မလှဘူး၊ သွားတွေကလည်း ကွမ်းစားတာများတော့ dracula လိုပဲ သွားတွေက နီနေတယ် ကြောက်စရာကြီး” ဟု လာပြောနေသေးတော့ အရာရာကပ်စေးနှဲပေမယ့် သူ့ အသားအရည်လှဖို့ စိုပြေဖို့ exercise လုပ် ငွေမနှမြောဘဲ အလှပြင် ပစ္စည်းတွေ၊ Lotion တွေ ဘယ်လောက်ဈေးကြီးကြီးဝယ်လူးပြီး မုန့်ဟင်းခါးတပွဲ ဝယ်စားဖို့ကျ အငတ်ခံပြီး မစားပဲ ချွေတာချင်ချွေတာသော သူမကို ပြန်ပြောချင်သော စကားများ မြိုချထားလိုက်ရသည်။ ဘာလို့ဆို ကိုယ်ကြိုက်တတ်သောအဆင်ချောချော ရှပ်အကျီ င်္ ချည်သားလေးတွေ၊ ပုဆိုး အကွက်စိတ်လေးတွေ မကြာခဏဝယ်ပေးတတ်တော့ အလှတရားကို တကယ်မြတ်နိုးလို့ ဟု သတိရမိလိုက်လို့ ဖြစ်သည်။

”ဒီည သူငယ်ချင်းတွေနဲ့ ချိန်းထားတယ် ..ဟိုကောင် အောင်လင်း ခဏပြန်ရောက်နေတယ်” စရုံရှိသေး။ အောင်လင်းဆိုတာ သူတောင် မမြင်ဘူးပဲနဲ့ ”လိုက်မယ် ရုံးအပြန်လာခေါ်နော် ၊ ကိုအောင်လင်းကို မမြင်ဖူးသေးဘူး၊ အကိုပြောပြောနေတော့ တွေ့ချင်နေတာ” ဟု ကတ်သီးကတ်သတ်တွေ လုပ်လာပြန်သည်။ ငါ သောက်မှာစိုးလို့ ဇာတ်လမ်းလာရိုက်နေပြီ ဆိုတာ သိရင်း သူ့ရုံးထိပ် မီးပွိုင့်ရောက်တော့ နားအေးအောင် "အေးအေး" ဟု ပြောလိုက်သည်။ ဒီလိုပဲ ညနေကျ လာမကြိုတော့ဘဲ မလိမ့်တပတ် သူမဘာသာ သူငယ်ချင်းတွေနဲ့ လမ်းလျှောက်ပြန်ရင် ဝိတ်ကျ၊ exercise ဖြစ်သားပဲ ဟု ခါတိုင်းလို ပတ်တီးရိုက်ဖို့ စိတ်ကူးထားပြီး ကြွပေဦးတော့ မယ်မင်းကြီးမ ဟု စိတ်ထဲမှာ ကြိတ်ပြောရင်း..ဆင်းခါနီး " ညနေလာကြိုဖြစ်အောင် လာနော်၊ စောင့်နေမယ် " ဟု အသနားခံသော မျက်လုံးဖြင့် သုံးခါလောက် ပြောပြီး ပြေးဆင်းသွားသည်။ နေ့ခင်း ထမင်းလာစားဦးနော် ဟု အော်သွားသေးသည်။

ဟေးဟေး..နှစ်ခုလုံး ဘယ်လိုနည်းနဲ့ ရှောင်ရပါ့ ဟု စဉ်းစားနေသော ကိုယ့် အကြံ ဒင်းမသိတာ ကံဆိုးရှာတဲ့ သူငယ်မ ဟု တွေးရင်း တစ်ယောက်တည်း စပ်ဖြဲဖြဲဖြစ်သွားသည်။

ညနေ..။
"အဲဒီအတိုင်းပဲ ညနေလာကြိုဆို ဘယ်တော့မှ မလာဘူး။ မလာနိုင်ဘူးဆို အစကတည်းက ပြောပါလား။ ခုတော့ အမြဲ ပတ်တီးရိုက်တယ်။ အဲလို လုပ်တာလောက် အမြင်ကပ်တာမရှိဘူး။ ယောက်ကျားဖြစ်ပြီး ကတိလည်း မတည်ဘူး။ စိတ်ရှိတိုင်းသာ ပြောရရင် ဒင်းတက်သွားမှာ မြင်ယောင်သေးတယ် " သူမ သည် သူငယ်ချင်းများနဲ့ အိမ်ကို လမ်းလျှောက်ပြန်ရင်း တစ်ယောက်တည်း စိတ်ထဲမှ ဝဝကို ရန်တွေ့နေမိသည်။ များပြီ..။ ဒီဝတုတ် အဲလို မလိမ့်တပတ်လုပ်တာ အတော်များပေပြီ။ ဘယ်ရမလဲကွယ်။ အိမ်ရောက်တာနဲ့ သူ့သူငယ်ချင်းအိမ်တွေကို သူ့ဂိတ်ကို ဖုန်းဆက်ပြီး ပြန်မလာ၊ လာအောင် ရစ်မှာ မသိဘူးလား..ဟု ညစ်ကျယ်ကျယ် တွေးလိုက်မိသည်။ ဒင်းကို လွှတ်ထားလို့ကတော့ စူဠလိပ် ရေထဲချသလို သန်းခေါင်ယံတိုင်သွားနိုင်သည်။

လမ်းလျှောက်ရင်း တဖြည်းဖြည်းနဲ့ လူစည်ကားသော မြို့လည်နားရောက်တော့ ဝဝ ဝယ်စားတတ်သော ထမင်းဆိုင်မြင်တော့..ဟိုတလောက ဘာချက်ရမလဲ မေးတော့ ကြိုက်တာချက်ပြောပြီး ချဉ်ရေဟင်းတခွက်ပဲ သူမကြိုက်တာ ပါတာကို ဇီဇာချဲ့လို့ မပြီးနိုင်ပဲ ဆိုင်က ကြာဇံဟင်းခါးဝယ်စားတော့ ပိုက်ဆံအပိုဖြုန်းတယ် ဟု သူမကဆိုတော့ မောင်နှမနှစ်ယောက် ရန်ထဖြစ်တာ သတိရသည်။

နောက်ပိုင်းတော့သူမပြောတာမှတ်ထားပြီး ဝယ်မစားတော့ပဲ သူစားချင်တာ အတိအကျပြောလို့ ချက်ခိုင်းပြီး ပိုက်ဆံ အပို ဖြုန်းတာ တဖြည်းဖြည်းနည်းလာတာ သတိရလာသည်။ လမ်းလျှောက်ရင်း နည်းနည်းကြာလာတော့ သူငယ်ချင်းတွေနဲ့ စကားလေးပြောလိုက် လမ်းတလျှောက် လမ်းဘေးဈေးဆိုင်လေးတွေက စားစရာတွေ ငမ်းလိုက်နှင့် လူတောင် လန်းလာသလိုမို့ တနေ့တနေ့ ကားပေါ်မှာပဲ ထိုင်ရင်း ကိုယ်လက်လှုပ်ရှားမှု နည်းလာသော အကို တဖြည်းဖြည်း ဝသထက်ဝလာတာ တွေးမိတော့ ဝိတ်ကျအောင် ညစာ ထမင်းလုံးဝမစားဖြစ်အောင် ဘယ်လို ဆွဲဆောင်ရရင် ကောင်းမလဲ ဟု ညဏ်နီညဏ်နက် ထုတ်နေမိသည်။

ဒီဖက်တီးဘုတ်ပွနဲ့ ခက်လှသည်။ အချဉ်တို့၊ ချဉ်ရေဟင်းတို့ကို ဖင်တွန့်အောင် ကြောက်တတ်သော ဒင်းကို ညဘက် ထမင်းလုံးဝမကျွေးပဲ ယောင်တို့ဖူး ဟု စင်ကာပူမှာ လူသိများသော အပြုတ်ဟင်းချိုမျိုး၊ သိပ်မချဉ်သော salad တခုခုလိုမျိုး ဒင်းစားချင်အောင် လုပ်နိုင်ရင် ပိန်နိုင်တယ်ဟု လမ်းစရလာသည်။ ကြည့်ကြသေးတာပေါ့ ဝဝရာ ဟုတွေးလိုက်မိသည်။

ဝသော သူ့ကို တခါ တခါ သူမက ဝဝ၊ ဖက်တီး ဟု ခေါ်တတ်သလို၊ နေရာတကာ သူများနှင့်မတူ အတွေးကြောင်တတ်သော၊ သူ့ဆို အလွန်ရစ်သော သူမကို သူက ဂေါက်သီး၊ ငရစ်၊ ချီးထုပ်၊ ကတုံး၊ အူကြောင်ကွေး စသဖြင့် တစ်ယောက်နှင့် တစ်ယောက် အပြန်အလှန် နှိပ်ကွပ်နေကျဖြစ်သည်။

ကားလမ်းကူးဖို့ စောင့်နေရင်း ကားစုတ်ကို အိမ်ကဲ့သို့ TV တပ်၊ CD player တပ်၊ Aircon တပ်၊ ဆိုဖာတပ်၊ ဘုရားစင်သေးသေးလေးနဲ့ မီးဆလိုက်လေးတွေပါ ပူဇော်ထားပြီး ကားကို ဇနီးမယားကဲ့သို့ ယုယကြင်နာသော အကို့ ကို သတိရသွားတော့ ရီချင်သွားသည်။ အတော်ကလေးဆန်တဲ့ဟာ.. အဓိကနဲ့ သာမညကို မခွဲတတ်ဘူး..အကျိုးအမြတ်မတွက်ပဲ လုပ်ချင်ရာစွတ်လုပ်တဲ့ဟာပဲ ဟု..လူတတ်ကြီးလုပ်တွေးမိချိန်မှာ အဲဒါကိုပဲ စိတ်ပျက်ပေမယ့် ပြုံးချင်ချင်ဖြစ်နေတာ ကိုယ့်ဘာသာ သတိထားလိုက်မိသည်။ အင်း...တဖြည်းဖြည်းတော့ ဒင်းသိတတ်အောင် ချော့ပြောရဦးမယ် ဟု တေးထားလိုက်သည်။

ဒီလိုနဲ့ လျှောက်ရင်း အိမ်ဘက်ရောက်လာသည်။ အိမ်ကလေးက ထုံးစံအတိုင်း မှောင်နဲ့မည်းမည်း။ မီးတွေ လျှောက်ဖွင့်၊ အခန်းထဲဝင်ပြီး သူ့ပစ္စည်းတွေကြားမှာ..ဖုံးစာအုပ်ကို အရင်ရှာရသည်။ သူ့ဂိတ်နားကို ဆက်လိုက်တော့ ဒင်းကို တန်းမိသည်။ ကန်ထရိုက်တိုက် အမြင့်မှာ နေတာဆိုတော့ ဝဝ စိတ်ပူတတ်သော ရေစက်ကို အကြောင်းပြရသည်။ ”ရေစက်က ဘာဖြစ်လဲ မသိဘူး၊ ရေတင်တာ မတက်ဘူး။ ၇နာရီဆိုတော့ လမ်းထိပ်က ရေပိုက်ဆိုင် မပိတ်လောက်သေးဘူး။ ပြန်လာခဲ့ပါလား” နည်းနည်းတွေသွားပုံရသည်။ ဒါနဲ့ ဆက်ပြီး ဆိတ်သားဟင်းချက်ထားမယ်နော်။ တရုတ်ကန်စွန်းရွက်တွေလည်း ဝယ်ခဲ့တယ်။ အကို့အကြိုက် ဆီအိအိနဲ့ အရွက်လေးတွေချည်းပဲ ကြော်ထားပေးမယ်။ စောစော ပြန်လာခဲ့ပါလား။ ဒီည ရေမတက်ရင် ဒုက္ခ၊ မနက်သုံးဖို့ ရေ ရှိတော့မှာ မဟုတ်ဘူး ” သနားစရာကောင်းအောင် ညှောင်နာနာအသံ ပိစိ နှင့်ပြောတော့ သနားတတ်သော အကို သည် ”အေး အေး..ငါပြန်လာခဲ့မယ်” ဖြစ်သွားသည်။

ဟီ..ဟိ..ပျော်လိုက်တာ..။ ဒင်းပြန်လာရင် စိတ်ဆိုးအောင် မီးပျက်သွားရင် ကောင်းမယ်။ မီးပျက်ရင် တကယ်မပျက်သော မူလကျီသွန်နီ ရေစက်ကိစ္စ ရှင်းစရာ မလိုသလို သူမ ဟင်းချက်စရာလည်း မလိုတော့ပေ။ ”ဟာ..မီးတွေပျက်နေတယ်..။မီးမွှေးရတာ စိတ်မရှည်ပါဘူး ဝဝရာ။ မီးမွှေးပေးပါလား” ဟု ပြောလျှင် စိတ်တိုပြီး ပွစိပွစိ လုပ်မှာ မြေကြီးလက်ခတ်မလွဲပေမယ့် ဗိုက်မဆာသေးလျှင် မီးဝိုင်းမွှေးပေးပြီး ဟင်းရွက်ပါ ဝိုင်းသင်ပေးလိမ့်မည်။ ဗိုက်ဆာနေလျှင်တော့ သူမပါ စားရအောင် တခုခုသွားဝယ်ပေလိမ့်မည်။

ကိုယ့်အတွေးနဲ့ ကိုတော့ ဟုတ်နေရင်း ဖုံးစာအုပ်ထားဖို့ ပြန်ဝင်လာတော့ သူ့အခန်းထဲမှာ ကားပစ္စည်းပေါင်းစုံ၊ speakers တွေနဲ့ တိုတိုမွမွ ပစ္စည်းပေါင်းစုံအပြင် TV နဲ့ အောက်စက်တစုံမြင်တော့ ဒီ electronics ပစ္စည်းအပိုတွေ အားလုံးရောင်းပြီး ဘုရားစင်က စကတည်းက အသစ်မဝယ်ခဲ့တာမို့ ဝယ်ချင်လိုက်တာ၊ ဒင်းကို ဘယ်လိုပြောရင် ရနိုင်မလဲ တွေးကာ ခေါင်းခြောက်သွားသည်။ ဒါတော့ ရမယ်မထင်..။ နှမလက်လျှော့နေပေတော့ ဟု သိပ်သေချာနေတော့ ဒီမှာပဲ အဆုံးသတ်သွားသည်။

မီးက ဒီညပျက်မယ့် အရိပ်အယောင် မရှိတော့ ကိုယ့်စကားနဲ့ ကို ဝဝ ပြန်လာရင် စားကောင်းအောင် သူမ ဟင်းစချက်နေမိသည်။ သူကလည်း ကမန်းကတန်းပြန်အလာမှာ..အိမ်က ငရစ်ကြိုက်လောက်မည်ထင်သော english movie တခွေဝင်ငှားနေလေသည်။

”အောက်တိုဘာလနေ့တနေ့တွင် မွေးဖွားခဲ့သော ချစ်သော အကို အတွက် မွေးနေ့ အမှတ်တရ။”

စက်ရုပ်

သူ အိမ်ကနေ အလုပ်လုပ်နေသည်မှာ ၃လကျော်သွားပြီဖြစ်သည်။သို့သော် ပြဿနာမရှိ။ သူ့လုပ်ဖော်ကိုင်ဖက်များကား သူ့လို ရံဖန်ရံခါမျှပင် ရုံးလာနိုင်သူများ မဟုတ်။ ရုံးတည်ရှိရာ state အတွင်းမှာတောင် နေသူများ မဟုတ်ကြ။ အပေါင်းအသင်း အလွန်မင်သော သူ့အတွက် ပျော်ရွှင်စရာ လုပ်ငန်းခွင် environment တစ်ခု၊ နွေးထွေးသော လုပ်ဖော်ကိုင်ဖက်သူငယ်ချင်းတို့ကို တောင် ပိုင်ဆိုင်နိုင်ခွင့် မရတော့တာ ကံကြမ္မာရဲ့ အတိုင်းအဆမဲ့ ရက်စက်မှုလို့သာ ဆိုချင်သည်။

သူတို့ တွေ့ကြတာ တပတ်တခါ virtual room နှင့် conference call ပေါ်မှာ ၊ Quarterly Event အဖြစ် သုံးလတခါကျင်းပသော International visual conference call ပေါ်မှာသာ ၊ တနှစ်တခါ company ကလုပ်ပေးသော လူချင်းတွေ့ဆုံရသော Christmas ပွဲမှာ ဖြစ်သည်။ ဒါ E ခေတ်ကြီးမှာ အလုပ်လုပ်နေကြသော နိုင်ငံခြားထုံးစံပင်။ အဓိကက ပေးထားသော အလုပ်များကို သတ်မှတ်ရက်အတွင်း အချိန်မှီပြီးလျှင် Remote Access ပေးထားသော Server ပေါ် လှမ်းတင်လိုက်ရုံသာ ဖြစ်သည်။ နာရီဝက်တခါ auto schedule ဆွဲထားသော auto complier များက compile လုပ်ပြီး ၁၂နာရီ တခါဆွဲထားသော testing prgram များက အလိုအလျှောက် ပြန် testing လုပ်မည်ဖြစ်သည်။ testing program မှာ အတော်ကို Intelligent ဖြစ်သည့်အတွက် output ထွက်လာသော test result များကိုစစ်ပြီး သက်ဆိုင်ရာ developer ဆီ Error Category အလိုက် system ကို သိသာထင်ရှားအောင် ထိခိုက်သော error မျိုးမဟုတ်ပါက အီးမေးလ်ပို့တန်ပို့၊ ဆက်သုံးလို့ မရအောင် အလွန်ဆိုးဝါးသော error ဖြစ်လျှင် "Your system is unstable. Please check your error queue" ဟု ကြောက်မက်ဖွယ် အသံဆိုးကြီးဖြင့် အလိုအလျှောက် developer များ ဖုန်းသို့ တောက်လျှောက် call နေမည်ဖြစ်သည်။ သူ့ server ကို
connect မလုပ်မချင်း ဆက်တိုက် call နေသော ထို Phone Call သည် မပိတ်ရ ဟု အလုပ်စာချုပ်ချုပ်စဉ်က ပါပြီးဖြစ်သည်။ သူ့အဖို့တော့ ငှက်ဆိုးထိုးသံကြီးသာ ဖြစ်သည်။ ၂နာရီအတွင်း server ကို log in မ၀င်ပါက testing program ကို ရေးဆွဲသော SQA Engineer ကိုယ်တိုင် သူ့ကို ဆက်သွယ်ဖို့ ကြိုးစားမည်ဖြစ်မည်။

သြော်...ပိုက်ဆံ..ပိုက်ဆံ...
ငွေနောက်လိုက်မိလို့လား...တိုးတက်ချင်လို့လား... သူတကာထက် သာချင်သည့် အတ္တကြောင့်လား။ ဘယ်ဟာမှန်းတော့ မသိ။

အိမ်နှင့် အဝေးမှာ၊ သူငယ်ချင်းဆိုလို့ အနီးအနားမှာ လက်ညှိုးထိုးစရာ မရှိသော ဒီနိုင်ငံမှာ အလုပ်လုပ်ခွင့် ရအောင် ငါ ဘာလို့ ကြိုးစားမိပါလိမ့် လို့ တခါတခါတွေးကြည့်မိသည်။ အမိမြန်မာနိုင်ငံနှင့် အလွန်ဝေးသော အရပ်မှာ၊ မိဘနှစ်ပါးကို ခေါ်ထားဖို့ ခက်ခဲသော ဒီလိုနေရာမှာ၊ အမေ အသဲအသန် ဖြစ်လို့မှ အသက်မှီအောင် ပြန်ဖို့ မလွယ်ကူသော ဒီနေရာသည် သူတယောက်တည်းအတွက်တော့ အလွန် ကောင်းမွန်ပြည့်စုံသော နေရာ ဖြစ်ချင်ဖြစ်ပေမည်။

ရုံးသွားတာလည်းမတွေ့၊ သူငယ်ချင်းဆိုလို့လည်း ဘယ်သူမှ လာတာမမြင်ရ၊ တစ်ယောက်တည်း ဈေးသွား၊ လေ့ကျင့်ခန်းလုပ်၊ ချက်ပြုတ်စားသောက်၊ ကွန်ပျူတာတလုံးဖြင့် အလုပ်ရှုတ်၊ စာအုပ်တွေဖြင့် အဖော်ပြု၍ အရယ်အပြုံးလည်း နည်းလှသော သူ့ကို သူငှားနေသော အိမ်ပိုင်ရှင် အမေရိကန်အမျိုးသမီးကြီးက အံသြထူးဆန်းသလို အ၀င်အထွက် မြင်တိုင်း ကြည့်တတ်သလို တခါတော့ ဗြောင်ပင် ဖွင့်မေးဖူးလေသည်။ သူမှာလည်း တခြား လျှို့ဝှက်စရာ ဘာမှ မရှိသောကြောင့် အမှန်အတိုင်းပင် ရှင်းပြပြောထားခဲ့လည်း တအံ့တသြ အကြည့်တို့ကား ဆုံမိတိုင်း ရတတ်စမြဲ။ ဒီနိုင်ငံထဲမှာ အတူတူရှိသော်လည်း state မတူသောကြောင့် ဖုန်းဖြင့်သာ ရံဖန်ရံခါ ဆက်သွယ်ရသော သူငယ်ချင်း လင်မယားစုံတွဲတို့ကား သူတို့ဘာသာ လည်ပတ် ပျော်ရွှင်လျက် activity အပြည့်ဖြင့် မအားလပ်သလို ရှိသည်။ သောင်ပြင်မှာ လွှတ်သော ရွှေဟင်္သာလေးလို သူကား တစ်ကောင်တည်းပဲ ဒါပေမယ့် ခြင်္သေ့ဟု ကိုယ့်ဘာသာ အားတင်းရင်း တစ်ယောက်တည်းနေ့ရက်များစွာကို ကျော်ဖြတ်ဆဲ ဖြစ်သည်။

သူ့ကို အားကိုးသော သူ့မိသားစုအတွက် သူ ရှင်သန်ရဆဲဖြစ်သည်။ ဒီဘက်နှစ်ပိုင်းတွင် ကျန်းမာရေး ချို့ယွင်းချင်လာသော မိဘတို့ကို အနီးကပ် ပြုစုသော သူ့မောင်နှမတို့ကား ရိုးအလွန်းသောကြောင့် သူ့မိဘတို့ medication အတွက် ၊ ရောဂါ အတွက် လိုအပ်သမျှကို သူ့ဘာသာသူ အင်တာနက်မှာ ရှာဖတ်၊ လေ့လာ၍ သင့်မသင့် ရောဂါ အတက်အဆုတ် ကို ခန့်မှန်းရ၊ ပူပန်ရ၊ သက်ပြင်းချရသည်။ အိမ်အတွက် လိုအပ်သော ငွေကြေးတို့ကို ပို့နိုင်တာ တစ်ခုပဲ သူစိတ်ချမ်းသာရသည်။ ဒါဆိုလည်း ပြန်ပါတော့လား၊ တခြား မြန်မာနိုင်ငံနှင့်နီးသော တိုင်းပြည်ကို ပြောင်းပါလားဆိုတော့ သူတကာ ဒီလို အခြေအနေရအောင် မက်မောလောက်သည့် နေရာတစ်ခုက ခွာဖို့ ခွန်အားမရှိသေးပြန်။ နောက်ဆုံးတော့ တစ်ခုခုလိုချင်ရင် တစ်ခုခုပေးဆပ်ရစမြဲဆိုသော လောကနိယာမအရ သူမက်မောသော၊ သူတကာလာချင်သော U.S.A ဆိုသော တိုင်းပြည်တွင် သူ...စက်ရုပ်တရုပ်လို ရှင်သန်နေဆဲ...။

အပျိုကြီး တကယ်လုပ်မှာလား

ဒီတပတ်တော့ စနေတနင်္ဂနွေ နှစ်ရက်လုံးသည် တနေကုန် သဲသဲမဲမဲရွာနေသော မိုးအောက်တွင် ၀မ်းနည်းသယောင် တိတ်ဆိတ်ခေါင်းငုံ့နေလေသည်။ တပတ်စာ ပိတ်ရက်တွင် လုပ်ရန်ကြံစည်ထားသမျှလည်း ကွဲလွဲစွာ ဖြစ်ပျက်သွားကြသောအခါ ရှားရှားပါးပါး အားရက်နှစ်ရက်ကို နှမြောစွာဖြင့် အစားထိုးလုပ်စရာ ရှာရပြန်သည်။အပြင်ထွက်ဖို့လည်း အဆင်မပြေ၊ ကြည့်စရာ စိတ်ကြိုက်ရုပ်ရှင်ကောင်းကောင်းလည်းရှာမတွေ့သောအခါ ချဖို့ ကြိုးစားနေသော အဆီပိုအသားပိုများကို မေ့ချင်ယောင်ဆောင်၍ အစားအသောက်ကို စိတ်ရှိလက်ရှိ ပြင်ဆင်စားသောက်မိသောအခါ ဘ၀ဆိုသည်မှာ ဒီလိုကျတော့လည်း နေပျော်သားဟု ခါတိုင်းကဲ့သို့ပင် ထင်မြင်မိပြန်သည်။

စာဖတ်ရတာ အလွန်ကြိုက်သော ကိုယ့်အဖို့ blog တွေ ဖတ်ရင်းနှင့်ပင် စိတ်ကူးပေါက်ရာ ရေးရန် ကိုယ်ပိုင် ဘလော့ခ် တခုကို ဘာရယ်မဟုတ် စမိပြန်တော့ တနင်္ဂနွေနေ့တွင် ဘာအကြောင်းရေးရပါ့ ဟု တနည်းတော့ စိတ်မအားမလပ်ဖြစ်ရသည်။ ငယ်ငယ်ကလို ရွှင်မြူးထူးစရာ အကြောင်းအရာလည်း ရှာမတွေ့၊ ကိုယ့်ထက် အတန်ငယ်သော အချစ်ဆုံး သူငယ်ချင်းမလေးတောင် အိမ်ထောင်ကျ၍ အိမ်မှုကိစ္စ အိမ်ထောင်ကိစ္စများဖြင့် မအားမလပ်ဖြစ်နေသောအခါ သူ့သတိရတိုင်းလည်း နှောင့်ယှက်ဖို့ရာ မ၀ံ့မရဲဖြစ်ကာ ရွယ်တူအခြေအနေတူသူငယ်ချင်းနှင့်ကျ အကြိုက် ၀ါသနာ အတန်ကွဲခါ ဘ၀သည် အထီးကျန်လှချည့်တော့ တခါတခါ ဖြစ်မိလေသည်။

မိဘနှစ်ပါး မကြာခဏတိုက်တွန်းသော အသက်မကြီးခင်ဆိုသော၊ လုပ်ဖော်ကိုင်ဖက်များနှင့် ဌာနအကြီးအကဲတို့ သတိပေးသော Later your life will get lonely when your friends will also get married ဆိုသော စကားများကို သတိရမိငြား အိပ်ပျော်နေသော ကိုယ့်ဖူးစာရေးနတ်ကို နှိူးဖို့ရာ ကိုယ်ကိုယ်တိုင်ကလည်း စိတ်မသန်လှပေ။ အလုပ်ထဲရောက်မှသိသော်ငြား ကိုယ့်ဆို ရင်းနှီးလွယ်သော သူငယ်ချင်း တချို့ကလည်း အလုပ်ပြောင်းသွားတောင် တခါတရံတကူးတက ဆုံရန် ချိန်းရင်း သူ့အကြောင်းကိုယ့်အကြောင်းရင်ဖွင့်ရင်း မနက်စာညစာ အတူစားမိသောအခါ ပူပူပန်ပန်ဖြင့် Still thinking to get a boy friend within 2 years ဆိုကာ Go out frequently to meet someone, Enjoy some events စသဖြင့် တိုက်တွန်းကြလေ့ရှိသည်။

သူတို့လုပ်လေ့ရှိသော charity ပွဲ၊ sport event စသဖြင့် သွားရန်ဖိတ်လေတိုင်း မသွားဖြစ်သည်သာက များသည်။ အားနာတာရော အားကစားဆို ၀င်နွှဲ ကြည့်ချင်တာရောကြောင့် နာမည်ကြီး National Day Walking Event တခါသွားကြည့်လည်း မပျော်တတ်တော့ပဲ သူ့တိုင်းပြည်နှင့် ကိုယ့်တိုင်းပြည် ကျင်းပပုံချင်း သိပ်ကွာဟနေပါလားဟုသာ ရင်နာစွာ သတိထားမိလေသည်။ တွေ့မိသမျှလူတကာကို စေ့စေ့ကြည့်မိလျက် ကိုယ်နှင့် ရွယ်တူ ကလေးသုံးယောက်အမေက ကလေးသုံးယောက် တန်းလန်း သူ့အမျိုးသားလက်ချိတ်ဖမ်း၍ ရင့်ကျက်တက်ကြွစွာ ဦးဆောင်နေတာ မြင်ပြန်တော့ ညောင်နာနာ အမ်းတမ်းတမ်းနှင့် ကိုယ့်ပုံစံကို လူတောမတိုးသောရုပ်ဟု အားငယ်မိသလိုရှိလေသည်။ ကိုယ့် ဖိတ်ထားသော မလေးရှားမှ သူငယ်ချင်း တရုတ်မလေးက ရုတ်တရက် တရုတ်အမျိုးသားတစ်ယောက်ကိုလက်ချိတ်၍ မိတ်ဆက်ပေးသောအခါ သူရုံးမှာ အလုပ်လုပ်စဉ်က အတွဲမရှိဆိုတာ ခေါင်းထဲအလိုလိုရောက်လာသည်။ နောက်တော့ သူမက သူတို့ ဘုရားကျောင်းပွဲ အနုပညာပွဲတို့မှာ အတွေ့အမြင်များကာ လက်ခံလိုက်တာ ၃လခန့်သာ ရှိသေးသည်ဟု တိုးတိုးပြောပြလေသည်။သူ့ကောင်လေးက သဘောကောင်းကြင်နာမည့်ပုံရပေမယ့် မျက်လုံးတဖက်က ကျန်တစ်ဖက်ထက် အတော်သိသာစွာကျဉ်းနေတာမို့ ကိုယ်လုံးကလေးအလွန် သေးသွယ် အချိုးကျလှသော ချစ်စရာကောင်းသော သူငယ်ချင်းကို ကြားထဲက တိတ်တိတ်ကလေး နှမြောနေမိသည်။ နောက်တော့လည်း အသွင်အပြင်ထက် စိတ်ထားနှင့် ကိုယ့်ကျင့်တရားက ကောင်းလို့ နေမှာ ဟု ရုတ်ချည်း အမြင်ပြောင်းပြန်သည်။

တကိုယ်တည်း ကိုယ်ပိုင် ဖြတ်သန်းရသောဘ၀ကို အခါများစွာမှာ အားရလျက် တခါတခါမှသာ အထီးကျန်သလို ခံစားရတတ်လေသည်မှာ အသက်နှစ်ဆယ်မှ စ၍ တိုက်ခန်းတခန်းနှင့် လမ်းများလှသော တအူတုံ့ဆင်းအကိုနှင့်သာနေခဲ့ရတာမို့ ဒီဘ၀ကိုအသားကျသလို ဖြစ်နေတာလည်း ပါပေမည်။ စိတ်နှလုံးက ခန်းခြောက်နေသလား၊ ကြောက်စိတ်ပိုသလား ကိုယ့်ဘာသာမရေမရာရှိကာ စိတ်ဝင်စားသယောင် ဖွန်ကြောင်တတ်သူတို့ထံ ရံဖန်ရံခါမြင်ရသော အကြည့်သူခိုး ရိုင်းရိုင်းကို မြင်မိသောအခါ ၀တ္ထုတွေထဲဖတ်မိသော ကိုယ်အပြင်မှာ တကယ်မြင်ဖူးသော ကြည်နူးစရာ စုံတွဲတချို့ဧ။် မြတ်နိုးကြည့်ဆိုတာ နှင့် နှိုင်းယှဉ်မိသောအခါ နှာဘူးကောင်ကြီးဟုသာ စိတ်ထဲမှ မှတ်ချက်ကြိတ်ချမိသည်။ အကိုပြောဖူးသော ယောက်ကျားဆိုတာ နှာဘူးမဟုတ်ရင် ဂန်ဒူးပဲ၊ နင်မြင်အောင်ပြတာနဲ့ မမြင်ရအောင်ထိန်းတာပဲကွာတာ ဆိုသော စကားကိုတော့ ကြားယောင်မိလေသည်။

မေးသမျှသူငယ်ချင်းတို့ဧ။် အပျိုကြီးပဲ တကယ်လုပ်မှာလားဆိုသော မေးခွန်းကို စကားကုန်လည်းမပြောချင်သောအခါ မပြောတတ်ဘူးဟုသာ ယောင်ချာချာ ဖြေမိပြန်လေသည်။ အရင်က ကိုယ့်စိတ်ထဲမခေါ်ဘဲနဲ့ ရှိခဲ့ဖူးသူကိုလည်း လွမ်းဆွတ်တမ်းတစိတ်ဆိုလို့ လုံးလုံးမရှိတော့တာ အံ့သြစွာ သတိပြုမိသည့်အခါ ငါ့ဟာ ဘာကြီးပါလိမ့် ဟု ကိုယ့်ကိုကိုယ် အဖြေရှာမရ ခေါင်းကုတ်ဖွမိသည်။ အရင်းနှီးဆုံးသူငယ်ချင်းများကတောင် စိတ်ပျက်ကြရသည့် ၊ အမေမကြိုက်သည့် ၊ ပစ္စည်းဝယ်ပြီးတိုင်း နှစ်ခါပြန်ပြန်လဲပြီး ဂဂျီဂကြောင်ကျတတ်သည့် မိမိ အိမ်ထောင်ပြုပြီးနောက်မှာတောင် ပြန်လဲလို့ရရင် ကောင်းမယ်ဟု စိတ်ကူးပေါက်လာမှာ တဆိတ်ကြောက်လွန်းလှသည်။

မေ့လွယ်သော ကိုယ့်ဦးနှောက်သည် ရှေ့ရေးကိုသာ တွေးပူလျက် အသက် ၆၀ ကျော် အလုပ်မလုပ်နိုင်သည့် အငြိမ်းစားယူကာလကို စားပင်ပန်းပင်ကလေးများစိုက်လို့၊ ကလေးများစာသင်ပေးချင်လို့၊ လူမှုရေးလုပ်ငန်းတွေ မှာ အခါအခွင့်သင့်လျှင် လုပ်လို့၊ တရားဘာဝနာအားထုတ်လို့ ကြောင့်ကြမဲ့နေနိုင်ဖို့ရာ ဘယ်လိုများ ကြံဆောင်ရပါ့ ဟု နည်းလမ်းရှာမိလေသည်။ တပတ်တပတ်လျှင်မြန်စွာ ကုန်ဆုံးနေသော နာရီလက်တံတို့ကား အိုလံပစ်မာရသွန် ပြိုင်ပွဲဝင်သူများကဲ့သို့ပင် ကိုယ့်ကိုစောင့်သည်မဟုတ်တော့ အလုပ်လဲများ Music, Reading, Movie, Photography စသဖြင့် ၀ါသနာများလှသော ကိုယ့်မှာ အချိန်ဆင်းရဲတာ အမှန်ပင်။ဝါသနာသာများပြီး ဘယ်ဟာကိုမှတော့ မဖန်တီးတတ်ပဲ ဝေဖန်ရုံသာ တတ်လေသော တတ်ယောင်ကား မိမိသာ ဖြစ်သည်။ ဒီကြားထဲ ဒီရောက်ကတည်းက ပျင်းလဲပျင်းသော ဟင်းချက်ခြင်းကိုတောင် အပြင်စာချည်းပဲ မစားနိုင်တာရော ကျန်းမာရေးနှင့် ညီညွတ်ချင်တာရော ကိုယ့်ဘာသာ မနက်စာနေ့တိုင်းချက်စားလေရာ ကစားစရာ တစ်ခုရသကဲ့သို့ အလုပ်က ပိုများလေသည်။ စိတ်နှင့်လူသည် အအားသိပ်မရသည့်အခါ တစ်ယောက်တည်းဆိုတော့ ဟူ၍ အားငယ်စရာ ဆိုတာမျိုးလည်း သိပ်မရှိတော့ပေ။

အခြားသူများတော့ မပြောတတ်သော်ငြား ကိုယ်တိုင်တော့ စိတ်ထဲက ချစ်မြတ်နိုးသူကိုသာ လက်ထပ်မည်ဆိုသော ဆုံးဖြတ်ချက်ကလည်း ဘယ်သောအခါမျှပြောင်းဖြစ်လိမ့်မည် မထင်ပေ။ ဒီအပျိုကြီးနှယ် ဒီအရွယ်ကြီးရောက်မှ အချစ်တွေ ဘာတွေ အော်နေချင်သေးတယ် ဟု ကြိတ်မဲ့ချင်သူတို့ ရှိကောင်းရှိမည် ဖြစ်လည်း မတတ်နိုင်ပါ။ အရွယ်တောင်လွန်နေသည့် သည်လိုအခါမျိုးမှာ အခြေအနေလဲပေးသည့်အခါ သင့်တော်ရာ ကြင်ရာရှာကြသော အခြားသူများကဲ့သို့ မလုပ်ချင်တာ ဘာမှမတတ်နိင်ပေ။ အနီးအနားမှ အရိပ်အသန်း ဖမ်းချဉ်းကပ်ချင်သူကျလည်း အားကိုးထိုက်သူလားထိတောင် မဆန်းစစ်မိပဲ ငါသူ့ကို ဘယ်လိုမှ မချစ်ဘူးဆိုတာသာ ကိုယ့်ဘာသာ သေချာသိနေတော့ သြော် ဒုက္ခ...ဟုသာ တမိသည်။

ဒါမျိုးရောက်တတ်ရာရာလျှောက်တွေးမိသည်ကလည်း ရှားရှားပါးပါးအားရက်မှာမှ လုပ်စရာရှာမတွေ့သည့် အခါသာ ဖြစ်သည်မို့ သည်အတိုင်းသာ စခန်းဆက်သွားမည်သာ ဖြစ်လေသည်။ ပူပန်လေသော မိဘဆွေမျိုး သူငယ်ချင်းများကို အားနာစရာကောင်းတာ မှန်လည်း ကိုယ့်ရဲ့လွတ်လပ်မှုမှန်သမျှကို စတေးကာ အိမ်ထောင်သည်ဘ၀ထဲ စီးမျောပျော်ဝင်ဖို့ရာ သူ့အတိတ်ကံနှင့် နဖူးစာ ပါလှမှသာ ဖြစ်နိုင်မည်ဟုတွေးမိလေသည်။ တကယ်တော့ လူတယောက်နှင့် တယောက် တသက်တာ အတူစား၊ အတူနေ၊ အတူအိပ် သူချစ်ကိုယ်ချစ်ဖြစ်ကာ အေးအတူပူအမျှ နားလည်မှု မျှတစွာနဲ့ တသက်တာလက်တွဲဖို့က တော်ရုံတန်ရုံရေစက်နှင့်တော့မရတာ ဗုဒ္ဓဘာသာဝင်ပီပီ လူတိုင်းလက်ခံရမည်ပင်။ ထိုကဲ့သို့ဘ၀မျိုး ရရှိသူတို့ကိုကား ကိုယ်လဲ မုဒိတာပွား၍ ရောပျော်တတ်သူပါ။

သို့သော်ငြား သူ့ရေစက်ရှိသည့် အခါ နဖူးစာသည် ရှောင်မရ လွှဲမရ ဖြစ်တာ အခါများစွာ အသိများ၊ သူငယ်ချင်းများမှာ မြင်ဖူးထားသည်မို့ ရံဖန်ရံခါ အတန်ငယ် အထီးကျန်မိသည်မှတပါး အားသည့်အခါ ကိုယ့်ပိုက်ဆံကိုယ်သုံး၊ ကိုယ်ဝါသနာပါရာ ကိုယ်လုပ်၊ မောင်နှမသားချင်းဝမ်းကွဲပါ မကျန် ပူပူပင်ပင် စီစဉ်ဆရာလုပ်၊ အလုပ်မှာ ပိုအာရုံစိုက်လို့ ကုသိုလ်ရေးကိုလည်း စိတ်ကူးပေါက်သလောက် အတားအဆီးမရှိ လုပ်ခွင့် ရသည့်အခါ ဒါလည်းဘ၀အကျိုးပေးကောင်းတမျိုးလို့သာ ယူဆမိတာ ခွင့်လွှတ်စေလိုလှပါသည်။

ဝန်ခံချက်။ ။ကျွန်မ ဆရာမကြည်အေးဧ။်ဝတ္ထုများကို ကြိုက်သောကြောင့် တူမတူမသိသော်လည်း အပျော်သဘောဖြင့် ဆရာမကြည်အေးဧ။် အပျိုကြီးသရုပ်ဖော်သောဝတ္ထုမျိုးကို တုပစိတ်ကူးရေးမိသော ပို့စ်တပုဒ်သာ ဖြစ်ပါသည်။