Dhamma (အဘိဏှသုတ်)

အခုတလော ရေးချင်တဲ့အကြောင်းအရာတွေ ခေါင်းထဲရှိနေပေမယ့် အင်္ဂလိပ်စာ အသုံးအနှုန်းသစ်၊ စကားလုံးသစ်တွေ (တစ်လုံးဖြစ်ဖြစ် နှစ်လုံးဖြစ်ဖြစ်အံဝင်ခွင်ကျ ကိုယ်ရေးမယ့်ဟာနဲ့ ကိုက်တာမရှိလို့ ) နဲ့ essay ရေးချင်ပေမယ့် မရေးဖြစ်ပါဘူး။
ဒီတော့ မြန်မာလိုရိုက်မှ အဆင်ပြေမယ့် ဘုရားရှိခိုးဖြစ်တဲ့နေ့တိုင်းမှာ စိတ်ပါလက်ပါ နှလုံးသွင်းဖြစ်တဲ့ မှတ်မိဖို့ လွယ်ကူလောက်အောင်တိုပြီး အနက်ကျယ်ဝန်းလှတဲ့ အဘိဏှသုတ်ကို ကိုယ်ဖတ်ဖူးသလောက်ပြန် share လိုက်ပါတယ်။

ဘုရားစာအုပ်ထဲက အညွန်းက ဒီသုတ်ကို ရွတ်ဖတ်ခြင်းဖြင့် မရှောင်လွှဲနိုင်တဲ့ အိုခြင်း၊ နာခြင်း၊ သေခြင်းတွေကို မကြောက်ပဲ အသက်ရှင်နေစဉ် နေ့တိုင်း ကောင်းမှုကိုသာ အားထုတ်ဖြစ်မယ်လို့ ဆိုပါတယ်။ ပါဋိအနက်တော်ကို သေသေချာချာကြည့်မိတော့ နှလုံးသွင်းမယ့်လူတိုင်း အကုသိုလ်နည်းအောင် နေဖြစ်ဖို့ မမြဲတာတွေနဲ့ ယှဉ်ပြီး သတိပေးထားတဲ့ဂါထာဖြစ်လို့ အညွှန်းမှန်တယ်လို့ ယူဆပါတယ်။

ပိုက်ဆံစုဖို့ လူတိုင်း လုပ်ဖူးကြမှာပါ။ ကိုယ်လိုချင်တဲ့ မြင်ရတဲ့ ရုပ်ဝတ္ထုရဖို့ အတွက်စုသလိုပဲ မမြင်ရတဲ့ ကုသိုလ်လေးတွေ နေ့တိုင်း စုသွားမယ်ဆိုရင် သေခါနီးမှာ စိတ်အေးလက်အေးသေနိုင်မှာပါ။

များသောအားဖြင့် ကျွန်မ ညတိုင်းနီးပါး ဘုရားရှိခိုးမိအောင် ကြိုးစားတယ်။ ဘာကြောင့်ဆို ကိုယ့်ရဲ့ မကောင်းတဲ့ စိတ်တွေကို တတ်နိုင်သလောက်ဖယ်နိုင်ဖို့ သတိပေးတဲ့အနေနဲ့ အဓိပ္ပါယ်နားလည်တဲ့ သုတ်တို့ ပဌာန်းတို့ ရွတ်တာပါ။အလုပ်က issue မရှိတဲ့နေ့ဆို စိတ်ပါရင် တခါတခါ တရားထိုင်ဖို့ ကြိုးစားမိပါတယ်။ စိတ်လွင့်လိုက်ထွက်လိုက်ပေမယ့် စိတ်မပျက်ပါဘူး။ အရမ်းရိုင်းတဲ့ ဆင်ဆိုးကြီးတွေကိုတောင် တဖြည်းဖြည်းကျင့်ယူရင် ယဉ်လာတတ်သလို မကောင်းတဲ့ စိတ်တွေကိုလဲ သတိမြဲလာတဲ့အခါ ကောင်းအောင် ထိန်းနိုင်မယ်လို့ ယုံကြည်လို့ပါ။

ကံဆိုတာ အလုပ်ဖြစ်တဲ့အတွက် ကိုယ့်လုပ်သမျှ ကာယကံ၊ ၀စီကံ၊ မနောကံတွေ က ကိုယ့်ရဲ့ ဓနဥစ္စာ၊ ကိုယ့်ရဲ့အမွေ၊ ကိုယ့်ရဲ့အကြောင်းရင်း(အခုလက်ရှိ ကိုယ့်ရဲ့ ကောင်းကံဆိုးကံတွေ)၊ ကိုယ့်ရဲ့အဆွေအမျိုး၊ ကိုယ့်ရဲ့ကိုးကွယ် လဲလျောင်းရာ ဖြစ်တဲ့အတွက် ပြုမိသမျှ(မနောကံ လဲပါပါတယ်) ခံရမယ်လို့ ဆင်ခြင်ခိုင်းတဲ့ ဂါထာလေးပါ။

အဘိဏှသုတ်

ပဥ္စိမာနိ ဘိက္ခဝေ ဌာနာနိ အဘိဏှံ ပစ္စဝေက္ခိ တဗ္ဗာနိ ဣတ္တိယာ ၀ါ ပုရိသေန ၀ါ ဂဟဌေန၀ါ ပဗ္ဗဇိတေန ၀ါ ။
ကတမာနိ ပဉ္စ
(၁) ဇရာဓမ္မောမှိ၊ ဇရံ အနတီတောတိ အဘိဏှံ ပစ္စဝေက္ခိတဗ္ဗံ ။
(၂) ဗျာဓိဓမ္မောမှိ၊ ဗျာဓိံအနတီတောတိ အဘိဏှံ ပစ္စဝေက္ခိတဗ္ဗံ ။
(၃) မရဏဓမ္မောမှိ၊ မရဏံ အနတီတောတိ အဘိဏှံ ပစ္စဝေက္ခိတဗ္ဗံ ။
(၄) သဗ္ဗေဟိမေ ပိယေဟိ မနာပေဟိ နာနာဘာဝေါ၊ ၀ိနာဘာဝေါတိ အဘိဏှံ ပစ္စဝေက္ခိတဗ္ဗံ ။
(၅) ကမ္မာဿကောမှိ ကမ္မဒါယာဒေါ ကမ္မာယောနိ ကမ္မဗန္ဓု ကမ္မပ္ပဋိဿရဏော၊ ယံကမ္မံ ကရိဿမိ ကလျာဏံဝါ၊ ပါပကံဝါ၊ တဿဒါယာဒေါ ဘ၀ိဿမီတိ အဘိဏှံ ပစ္စဝေက္ခိ တဗ္ဗံ။
ဣမာနိ ခေါ ဘိက္ခဝေ ပဉ္စ ဌာနာနိ အဘိဏှံ ပစ္စဝေက္ခိ တဗ္ဗာနိ ဣတ္တိယာ ၀ါ ပုရိသေန ၀ါ ဂဟဌေန၀ါ ပဗ္ဗဇိတေန ၀ါ ။

ပါဋိအနက်တော်

ဘိက္ခဝေ၊ ရဟန်းတို့ ။ ပဉ္စ၊ ငါးပါးကုန်သော ။ ဣမာနိ ဌာနာနိ၊ ဤအကြောင်းတရားတို့ကို။ ဣတ္တိယာ ၀ါ၊ မိန်းမသည် လည်းကောင်း။ ပုရိသေန ၀ါ ယောက်ျားသည် လည်းကောင်း။ ဂဟဌေန၀ါ၊ လူသည်လည်းကောင်း။
ပဗ္ဗဇိတေန ၀ါ၊ ရဟန်းသည်လည်းကောင်း။ အဘိဏှံ နေ့ညဉ့်မပြတ်။ ပစ္စဝေက္ခိ တဗ္ဗာနိ၊ ဆင်ခြင်အပ်ကုန်ဧ။် ။

ပဉ္စ၊ ငါးပါးတို့သည်။ ကတမာနိ၊ အဘယ်သည်တို့နည်း။
(၁) အဟံ၊ ငါသည်။ ဇရာဓမ္မော၊ အိုခြင်းသဘောရှိသည်။ အမှီ၊ ဖြစ်ဧ။် ။ ၊ ဇရံ၊ အိုခြင်းသဘောတရားကို။ အနတီတော၊ မလွန်နိုင်ချေ။ ဣတိ၊ ဤသို့။ အဘိဏှံ၊ နေ့ညဉ့်မပြတ်။ ပစ္စဝေက္ခိတဗ္ဗံ၊ ဆင်ခြင်အပ်ဧ။်။ (နှစ်အလိုက်ရိုက်ထားတဲ့ ဓာတ်ပုံလေးတွေ ယှဉ်ကြည့်မိလိုက်သလိုပဲ)

(၂) အဟံ၊ ငါသည်။ ဗျာဓိဓမ္မော၊ နာခြင်းသဘောရှိသည်။ အမှီ၊ ဖြစ်ဧ။် ။ ၊ ဗျာဓိံ နာခြင်းသဘောတရားကို။ အနတီတော၊ မလွန်နိုင်ချေ။ ဣတိ၊ ဤသို့။ အဘိဏှံ၊ နေ့ညဉ့်မပြတ်။ ပစ္စဝေက္ခိတဗ္ဗံ၊ ဆင်ခြင်အပ်ဧ။်။ (နေမကောင်းတဲ့နေ့တွေ ပြန်စဉ်းစားကြည့်မိပါတယ်)

(၃) အဟံ၊ ငါသည်။ မရဏဓမ္မော၊ သေခြင်းသဘောရှိသည်။ အမှီ၊ ဖြစ်ဧ။် ။ ၊ မရဏံ၊ သေခြင်းသဘောတရားကို။ အနတီတော၊ မလွန်နိုင်ချေ။ ဣတိ၊ ဤသို့။ အဘိဏှံ၊ နေ့ညဉ့်မပြတ်။ ပစ္စဝေက္ခိတဗ္ဗံ၊ ဆင်ခြင်အပ်ဧ။်။ (ကိုယ့်ရဲ့ ပထမဆုံးကြုံဖူးတဲ့ အချစ်ဆုံးသူသေတဲ့ ခဏကိုပြန်တွေးကြည့်မိတယ်။နှစ်တန်းတုန်းက အရမ်းချစ်တဲ့ အဖိုးရုတ်တရက်ဆုံးတာပါ။ ငါသာ ရုတ်တရက် ခုနေသေသွားရင်လို့ တွေးလိုက်မိတဲ့အခါ...)

(၄) မေ၊ ငါအား။ သဗ္ဗေဟိ၊ ခပ်သိမ်းကုန်သော။ မနာပေဟိ၊ နှလုံးကိုပွားစေတတ်သော အဆွေအမျိုး၊ အဆွေခင်ပွန်း၊ ချစ်ကျွမ်းဝင်သူတို့ နှင့်။ နာနာဘာဝေါ၊ အရပ်တစ်ပါးသို့ ပြောင်းသွားသဖြင့် ရှင်ကွဲကွဲရခြင်းသည်လည်းကောင်း။ ၀ိနာဘာဝေါ၊ ဘ၀တစ်ပါးသို့ပြောင်းသွားသဖြင့် သေကွဲကွဲရခြင်းသည်လည်းကောင်း။ အမှိ၊ ဖြစ်တတ်ချေဧ။်။ ဣတိ၊ ဤသို့။ အဘိဏှံ၊ နေ့ညဉ့်မပြတ်။ ပစ္စဝေက္ခိတဗ္ဗံ၊ ဆင်ခြင်အပ်ဧ။်။ (ကိုယ်ကြုံဖူးတဲ့ ချစ်တဲ့သူနဲ့ ခွဲရတဲ့ သေကွဲရှင်ကွဲ..စိတ်အဆင်းရဲဆုံးအချိန်ဖြစ်မှာပါ)

(၅) အဟံ၊ ငါသည်။ ကမ္မဿကော၊ ကံသာလျှင် မိမိဥစ္စာရှိသည်။ ကမ္မဒါယာဒေါ၊ ကံသာလျှင် အမွေခံရှိသည်။ ကမ္မယောနိ၊ ကံသာလျှင် အကြောင်းရင်းရှိသည်။ ကမ္မဗန္ဓု၊ ကံသာလျှင် အဆွေအမျိုးရှိသည်။ ကမ္မပ္ပဋိဿရဏော၊ ကံသာလျှင် ကိုးကွယ် လဲလျောင်းရာရှိသည်။ အမှိဖြစ်ဧ။်။ ကလျာဏံဝါ၊ ကောင်းသည်လည်းဖြစ်သော။ ပါပကံဝါ၊ မကောင်းသည်လည်း ဖြစ်သော။ ယံကမ္မံ၊ အကြင်ကံကို။ ကရိဿမိ၊ ပြုအံ့။ တဿ ကမ္မဿ၊ ထိုကောင်းမှု မကောင်းမှုကံဧ။် ။ ဒါယာဒေါ၊ ကောင်းမွေဆိုးမွေခံသည်။ ဘ၀ိဿမိ၊ ဖြစ်ရအံ့။ ဣတိ၊ ဤသို့ အဘိဏှံ၊ နေ့ညဉ့်မပြတ်။ ပစ္စဝေက္ခိတဗ္ဗံ၊ ဆင်ခြင်အပ်ဧ။်။ (ဒီအပိုဒ်က ကျွန်မ အကြိုက်ဆုံး အပိုဒ်ပါ။ လင်းကနဲ လက်ကနဲ နဲ့ ကောင်းတာတွေ ပိုလုပ်ဖြစ်အောင် စေ့ဆော်ပေးလို့ပါ။)

ဘိက္ခဝေ၊ ရဟန်းတို့ ။ ဣမာနိ ပဉ္စ ဌာနာနိ ၊ ဤငါးပါးသောအကြောင်းတရားတို့ကို။ ဣတ္တိယာ ၀ါ၊ မိန်းမသည် လည်းကောင်း။ ပုရိသေန ၀ါ ယောက်ျားသည် လည်းကောင်း။ ဂဟဌေန၀ါ၊ လူသည်လည်းကောင်း။ ပဗ္ဗဇိတေန ၀ါ၊ ရဟန်းသည်လည်းကောင်း။ အဘိဏှံ နေ့ညဉ့်မပြတ်။ ပစ္စဝေက္ခိ တဗ္ဗာနိ၊ ဆင်ခြင်အပ်ကုန်ဧ။် ။ တဲ့။

ဒီပို့စ်လေးကို ဖတ်မိတဲ့သူတိုင်း ဒီသုတ် ပါဋိအနက်ကို နေ့စဉ် နှလုံးသွင်းဆင်ခြင်ဖြစ်ပါစေ။